Ta ñi zoi mületun chi deporte ka chi educación física ta ñi zoi küme amuleal pu wecheke che, zewmagei chi Chillkatue ñi Weyeltuwe, chi Ministerio de Hacienda ñi küzawulfiel petu ñi wunenkülen Carlos Ibañez del Campo. 1929 mew nülai ñi llowal che, fei rakizuamfi ka wirintukukunufi chi sakigekechi arquitecto Luciano kulczewski. Art Decó zoi rekelei chi zewmagen, epu mari kechu metro fentepulei ñi alütuwun ka mari kayu metro ñi fentxerupan, fei mew kechu pataka che feikefuy fei mew. Zewmakunugei ñi azküleal chew püle ñi konpugeken Mapocho pigechi mapu chew ñi mülekefel zoi wesalkalechi che, ta ñi zoi aztual feichi wall püle, fei mew zoi ta kimgetuy weyeltun feichike pu che mew. 1931 mew chi Ministerio de Educación günenietufi ka julio küyen mew feichi txipantu mew Universidad de Chile günenietufi fei felerputuy fanten mew. Monumento histórico pigetuy feichi decreto nº 306 feichi txipantu 2016 mew.