Zewmagei 1887 mew, ta ñi kimgeal ñi kutxankülen varicela mew kam cólera mew pu che, fei mew fülkülefuy chi General pigechi Eltuwe mew. 1891 mew, chi medico higienista Ricardo Dávila Boza ñi inafiel mew zugu koni ñi pichike wiño zewmagetuam ka ñi zoi küme elkunugetuam chi lawentuwe. 1929 mew ka wiño kumelkakunugetuy, feichi mew ka zewmakunugey chi servicios de Tisio-medicina, radiología, anatomía patológica, cirugía y laboratorio. Feichike txipantu mew niefuy meli pataka kawitu ñi nieafiel pu kutxankülelu tuberculosis mew, tüfachi lawentue wune ñi lawentufiel tüfachi kutxan.  Kimfalkülei ñi az estilo colonial kechilelu ka ñi jardín pataka txipantu nielu ka ñi pichi gellupuwe ruka. 1960 mew fill kutxan llowpelu lawentuegetuy fei ka 1980 mew Hospital de Basegetuy Área Metropolitana Pikumpüle, 1999 mew fentepuy ñi felen. Fanten mew Centro Culturalgetuy, fentxen fill wirin chillka niei ka azentu chi rupayechi kuyfi zugu chi salud zugu mew. Monumento Histórico pigetuy chi 27 diciembre mew 1999 mew, chi decreto supremo Nº 442 mew.