Andrés Ebner ñi Sociedad Fábrica de Cerveza entugelu 1880 mew, rume fütxa keyuy ñi txemal chi we amulechi industria chilena siglo XIX ka siglo XX mew. Estilo ecléctico kechilei ñi zewmagen, niei lepütuwe fill zugu ñi entugeam, ñi wunegechi nivel mew müleigün pu oficina ka segundo nivel mew mülei che ñi ruka. Chi fábrica zoi fütxa wunenkülefuy tüfachi zewman cerveza mew, Pilsen pigefuy kiñe ñi zoi ayigekefel putukoie ñi zewmakefel. Ka femgechi fei egün zewmafigün chi putokoie Bilz pigelu fei ta nielafuy alkohol, feichi putokoie lawengefuy pigekefuy pu che, fei feipikefuy chi wune médica chilena, Eloísa Díaz. Zoi pura pataka che küzawkefuy fei mew, ta ñi zewmaken fendegekefuy chile mu ka kake país mew, Perú, Ecuador, Argentina. 1916 mew, gengetuy chi Compañía de Cervecerías Unidas, tüfa fentepuy ñi küzaw 1978 mew. 1984 mew Monumento Nacional Pigetuy feichi decreto Nº 646 mew, ka fanten mew küme elkakunugetuy.